Tema: Lewe wat waarlik lewe is
Week 2: Lewe as ‘n offer uit die hand van die vyand
“Daarom het ek diep nagedink
om dit te verstaan en was dit vir my bitter moeilik totdat ek in die
heiligdom van God ingegaan en besef het wat die uiteinde van die goddeloses
is.”
(Psalm 73:16-17)
Doelwitte:
Bepaal die verskil tussen gelowiges en goddeloses se lewens
Bepaal die bron van wanhoop en die bron van hoop
Vandag kyk ons
vir oulaas na lewe as ‘n offer uit die vyand se hand. Ons fokus is daardie mense
wat hierdie offer aanvaar. ‘n Mens sal dink dat so iemand se lewe altyd ‘n
groot gemors moet wees. Ons het dan juis gister gesien hoe vals en sleg en boos
Satan is en dat hy niks goed kan offer nie. Tog is dit nie altyd opsigtelik so
nie.
Lees Psalm
73:1-14 en hou eers jou Bybel daar oop.
Ken jy goddelose
mense (mense wat God verwerp) wie se lewens voorspoedig voorkom?
Ken jy goddelose
mense wat skynbaar heel gelukkig en normaal met hul lewe voortgaan?
Ken jy goddelose
mense van wie jy selfs hou?
Dink jy jou lewe
het meer, minder of dieselfde hoeveelheid probleme as dié van goddeloses?
Wat dink jy is
die grootste verskil tussen ons lewe en die lewe van goddelose mense?
Lees die res van
Psalm 73.
Wat is die
uiteinde van iemand wat God aanhou verwerp?
Waar was Dawid
toe hy besef het wat die uiteinde van
die goddeloses is?
Hoekom dink jy
kon hy op daardie plek tot die ware insig kom?
Lees Psalm 27:4.
In die Engelse
vertaling lees dit: “...that I may dwell in the house of the LORD...to gaze
upon the beauty of the LORD.”
Eers as jy die
skoonheid en die wonder en die lig van God aanskou het, besef jy hoe donker dit
weg van Hom af is! God het egter vir almal van ons, dié wat naby aan Hom is en dié wat Hom verwerp, dieselfde waarskuwing:
Lees Genesis 4:7 en vul die ontbrekende woorde hieronder in:
“Wag daar nie vir
jou _____________ as jy goed doen nie? As jy nie goed doen nie – die __________
wag jou in ____________ en hy wil jou in sy ________ kry. Maar jy moet oor hom
__________.
Watter plek dink
jy staan teenoor die ‘daarbuite’ wat
hier in Genesis 4:7 genoem word?
Kom ons kyk na ‘n
voorbeeld van iemand wat Satan se offer aanvaar het.
Skryf alles neer
wat jy weet van Judas Iskariot.
Hoeveel van Jesus
se lering en bediening op aarde het Judas beleef?
Lees Johannes
12:4-6.
Wat sê dit vir
ons van Judas?
Vir watter
verleiding het hy geval?
Waarvoor het dit
hom blind gemaak (alhoewel Maria dit kon sien)?
Lees Mattheus
26:14-16.
Wat het Judas
besluit om te doen?
Watter
gebeurtenis word direk voor Judas se besluit genoem? Kyk na Matteus 26:6-13.
Hoe dink jy kon
dit bygedra het tot Judas se besluit?
Dink jy jaloesie
kon ook ‘n rol gespeel het?
Ek wil graag hê
dat ons na Romeine 6:19 in die NIV(Engelse) vertaling moet kyk omdat die
Afrikaans dit net nie reg sê nie:
“Just as you used
to offer the parts of your body in slavery to impurity and to ever-increasing
wickedness...”
Kyk na die frase
wat ek onderstreep het. Wat leer ons in hierdie Skrifgedeelte oor die aard van
goddeloosheid (wickedness)?
Wat sê Lukas 22:3
van Judas?
Lees nou Mattheus
27:1-5 en beantwoord die volgende vrae:
Hoe het Judas
gevoel toe hy sien dat Jesus tot die dood veroordeel is?
Wat het hy daarna
gedoen?
Voor wie het hy
sy sonde bely?
Wat was hulle
antwoord?
Wat het Judas toe
gedoen?
Lees Psalm 51.
Wat dink jy was die verskil tussen Judas en Dawid?
Judas het nie
verstaan dat God ‘n God van lewe is nie. Hy het nie die Goeie Boodskap verstaan
wat Jesus gebring het nie. Hy was siende blind en horende doof. Daar was in hom
geen hoop op lewe nie...hy kon net dood en duisternis sien en het hom in
wanhoop daaraan oorgegee. Selfs in Judas se berou, kon hy nie die lewe kies nie. Ons darenteen sluit
hierdie moeilike week af met hoop! Lees Kolossense 1:21-23 en vul die
ontbrekende woorde in:
“Ook julle was
voorheen _____ van God af en ______________ teenoor Hom, soos blyk uit julle
sondige lewenswyse. Maar nou het Hy ook julle met Homself __________ deurdat sy
________ as mens gesterwe het om julle heilig, sonder smet en onberispelik voor
Hom te stel. Maar dan moet julle vas en sterk bly staan in die __________ en
julle nie laat losruk van die ___________ wat in julle gewek is deur die
evangelie wat julle gehoor het nie.”
Tot volgende week
wanneer ons kyk na Lewe in Christus!
Ek dink die verskil is eerstens hoe ons dinge benader...hetsy sukses of rou of swaarkry. Ons leef en beleef dit in die teenwoordigheid van die Here. Selfs al is jy 'kwaad' vir die Here, woed jy dit met Hom uit. Ek kan niks in my lewe skei van die werklikheid van Sy bestaan nie. Hy is my hoop en my anker en my hele verstaan van die lewe le in Hom opgesluit. Tweedens is ons uiteinde verskillend. Al maak ek nog foute in hierdie bedeling, my hoop is op Hom wat die ewige lewe vir my bewerk het.
AntwoordVee uit